منذ أسبوعين أو أكثر انتشرت رسالة تلقاها الكثير من مستخدمي فيسبوك على الإنبوكس ملخصها أن مطاعم سبكترا يرفض تشغيل المحجبات ويجرهن على خلع الحجاب أثناء ساعات العمل، وهو ما نفته إدارة المطعم مشكورة لاهتمامها بصورتها أمام جمهور العملاء. وكنت قد كتبت رسالة بهذا بخصوص هذه المسألة أوضح فيها الخطر القادم والذي يستهدف أسلمة كل شيء بالباطل واللعب والتجارة بالدين لتحقيق أهداف اقتصادية، وهو الاتجاه المكمل للتجارة بالدين لتحقيق مكاسب سياسية ويستكمله الإخوان أيضًا لتحقيق مكاسب مالية. وإلى رابط الرسالة:
لو سمحت، هو المطعم ده إسلامي
وبالصدفة، كنت أتصفح بروفايل صديقي مصطفى المصري لأجد المفاجأة الكبري. جدت الرد على تساؤلات عديدة راودتني فيما يتعلق بمصدر الرسالة التي حالولت تشويه مطعم سبكترا، مع العلم بأن من صاغ هذه الرسالة تجاهل أن قواعد العمل في كل الأماكن من فئة الخمس نجوم في مصر لا تسمح بارتداء الحجاب وأن مطعم سبكترا من الأماكن الفخمة التي لا تعمل بهذه القواعد حيث تلقيت الخدمة هناك أكثر من مرة من محجبات، المهم هو أنه إذا عُرف السبب بطل العجب حيث أشار البوست الآتي إلى أن هناك معاملة أخلاقية فوق الوصف وترحاب يصل إلى درجة الهبل في أحد المطاعم المملوكة لللإخوان هو مطعم مؤمن لدرجة أنه يمكنك أن تأخذ ما تريد من طعام وتدفع في وقتٍ لاحقٍ وفقًا لبوست. بمجرد قراءة البوست اكتشفت مصدر الرسالة المشوهة لسبكترا وأدركت أن الهدف ليس فقط إرهاب المواطن المصري وإجباره على تلقي الخدمة من أماكن ملتحية ترفع علم السعودية على أبوابها أو أماكن شيك مملوكة للإخوان، بل هناك أيضًا مكاسب مالية يجنيها من يروج لتلك الرسائل في إطار منافسة غير شريفة تخلو من كل القيم.
وإليكم البوست المؤدب
مشاركتنا الصباحية اليوم من المهذبة / Hanaa Salama Imam
أسلوبها عجبني كلها على بعضها وماحبيتش أحذف منها أي حاجة :)
........................................................................................
صباح الخير يا مهذبين (اسمحولي استخدم كلامكم) حاولت أكتب على الصفحة بس لقيتكم قافلينها ...كنت عاوزة احكي موقف حصل معايا بس كان مهذب اوووي واتمنيت كل الناس تكون زي الشخص اللي هحكي عنه..... كنت بشتري سندوتشات من محل معروف عند جامعة القاهرة ( مؤمن إن جاز انكم تذكروا اسم المحل) ولما عملت الاوردر وجيت ادفع كان المبلغ 138 وانا كان معايا 120 ... فطلبت اني استخدم ال ATM فقالي مش عنده فقلتلله طيب هروح اجيب من العربية وارجع على اساس اني ممكن الاقي اللي يكمل ف التابلوه او كده ...المهم رجعت مالقتش قلت اروح اسحب من اي مكان ...لسوء الحظ كل الماكينات القريبه كانت بايظه او مفيهاش في الوقت ده... كان قدامي حل من اتنين هو اني اخد عربيتي واروح اجيب من اي مكنه بعيده شويه وارجع تاني مع العلم ان عندي معاد مع الدكتور لابني وكان الوقت اقترب جدااا واما اني ارجع للمحل واسيب حاجه من الاوردر واجيب على قد الكاش اللي معايا... المهم قرررت الاختيار التاني... ورجعت وقلت للكاشير انا هرجع حاجه من الاوردر ...طلع الكاشير هو مدير الفرع وعرفني بنفسه وقاللي لا طبعا خدي طلبك وابقي هاتي الباقي في اي وقت او ماتجيبهوش قلتلله لا انا ساكنه بعيد ومروري من هنا مش وارد يعني يوميا ...قاللي خلاص مفيش مشكله لكن مش هرجع حاجه من الاوردر ...عيب انا كلنا واحد وموقف وبيحصل يعني ....بجد كنت محرجه جدااا بس شخص حقيقي محترم جداااا ...وطبعا لانه مهذب وبيبتسم في وش الناس كلها ومعاملته الطيبه انا احترمته واتمنيت كل الناس تكون بالاخلاق دي.
وده كان رد مصطفى المصري على البوست على سبيل العينة ولكم مطلق الحق في التعليق:
احنا مهذبين ونحترم النساء لدرجه انهم الوحيدين اللي ممكن ننشر اللي بيبعتوهلنا وكده
اوعو حد يفهم غلط ده من باب الادب فقط.
اما بخصوص الموقف النبيل ده فانا ادعو حضرتك تقوليلنا اي فرع من فروع مؤمن عمل معاكي كده عشان ندعو كل فقراء مصر انهم يروحو ياكلو هناك و هما طبعا مع احترامنا لحضرتك ماعندهمش عربيات عشان يحطوا اي فلوس في تابلوه العربيه ومش محتاجين يروحو لاي ايه تي ام لان برضه مفيش ليهم حساب في البنك غير انهم مايعرفوش يعني ايه - الايه تي ام
والف مليون سلامه علي ابن حضرتك انا مش عارف ازاي فاتت الادمن الشهم ده انه يطمن عليه لكن معلش سهوا وكده
البوست المؤدب
ليست هناك تعليقات:
إرسال تعليق