إللي بيقوللك إنتو مش عايزين الديمقراطية وعايزينها فوضى ولو واثقين من نفسكم انزلوا الانتخابات وورونا نفسكم قوله ما يلي:
أولًا: حمرا
ثانيًا: لأ نخلينا نتخزوق زي محنا ونسيب صياغة القوانين إللي بتنظم عملية الانتخاب لفصيل واحد يوضبها ويخليها على مقاسه ومقاس حزبه عشان حزبه يفوز بالأغلبية.
ثالثًا: وهو كده كده الفصيل ده معاه السلطة التنفيذية إللي القوانين دي هتريحها وهي بتزور الانتخابات وعشان كده الفصيل ده هو هو إللي هو الإخوان إللي معاهم الرئاسة ومجلس الشورى الباطل (باطل لأنه منتخب وفقًا لنفس القانون إللي انتخبنا عليه مجلس الشعب إللي انح عشان القانون دا أصلًا غير دستوري، ولولا حصار الإخوان للمحكمة الدستورية كانت المحكمة حلت الشورى ومكانش بأه فيه تأسيسية باطلة ولا دستور باطل) بكده فعلًا بتأى انتخابات ديمقراطية وكلمة الصندوق هي إلي هتمشي.
رابعًا: وكمان لازم نفتكر قبل منقول ديمقراطية إن الدستور اتعمل في صندوق خرساني ونص الشعب كان عايز بس يوصل للجمعية التأسيسية المستخبية ورا أسوار الخرسانة عشان يجيب رقابهم قبل ميسلقوا الدستور الباطل على مزاجهم.
خامسًا: نقبل بقانون انخابات قائم على دستور أصلًا الجمعية إللي عملته باطلة ومرسي وأخواتها حاصروا المحكمة الدستورية العليا عشان متنطقش الحكم ببطلانها.
بعد كل ده عايزنا نروح الصندوق إللي قايم على حاجات كلها باطلة وتريدوننا أن نكسب؟! يا أخي أ........................................
ليست هناك تعليقات:
إرسال تعليق