ولو مش واخدين بالكم من النتائج الإيجابية للقعدة في البيت وتبطيل التظاهر وإننا نسمع الكلام، تعالوا نبص بصة على الممارسات الإخوانية الحالية وإللي كلها براءة وطهر ونوايا حسنة زي مثلًا مقترح قانون الطواريء بتاع وزير العدل. ومنها كمان إللي بيناقشه مجلس الشورى من فرض قانون يمنع التظاهر، هم بيقولوا إنه بينظمها، ونبص كمان على مقترح قانون منع تظاهر اتسرب من وزارة العدل واتنشر في جريدة الوطن وبعدها ياسر علي قال لأ ايام مكان بينفي. منشوف برضه دعوة عضو مجلس الشورى عن حزب الوسط لتعطيل الحياة السياسية في مصر والعودة إلى زمن الملكية غير الدسورية لما وقف شبل أدام شاشات التلفزيون وبدا لونه يتغير ويقلب حمار وهو بيقول "لا في أحزاب ولا سياسة ولا أي كلام من ده المهم مصر المهم الأمن للمواطن ولا تظاهر ولا احتجاجات، ارفعوا الغطاء السياسي عن الأحزاب."
نبص بصة بأه عالكبيرة أوي إلي حصلت إمبارح لما عضو الاتصال بالعدالة والحرية إبراهيم السيد إللي وصف إللي بيحصل في بورسعيد بأنه بلطجة وإجبار للمواطنين على ترك العمل والقعدة في الشارع. كمان في حاجة بتثبت النوايا الحسنة للرئاسة إللي هي رئاسة كل الكصريين لما أعلنت مواعيد الانتخابات وطلعت المرحلة الأولى في أعياد المسيحيين. فعلًا رئاسة لمصر كلها مبتميزش بين مواطن والتاني على أساس الدين أو اللون أو أي حاجة تانية، لأنها بتخزوق الكل بنفس الدرجة ونفس الطريقة كله هيتنخ وعملت انتخابات هتشرف عليها حكومة قنديل إللي بدأت في التزوير من دلوقتي وكمان إللي تستمر شهرين يعني المزورين هياخدوا راحتهم في تزوير الانتخابات محافظة محافظة ويركزوا في التزوير.
فعلًا إحنا لو هدينا وبطلنا تظاهرات وإدينا الإخوان الفرصة إللي هم عايزينها هنشوف كل الخير وفي هدية كبيرة هتوصل لكل ثائر وحتى إللي مش ثائر لحد البيت هدية عظيمة غير إصلاح أحوال البلد والعيشة في رخاء وازدهار. الهدية صورتها أهي كفيا عليكم الصورة مش هأقولكم اسمها إيه لحد منكم يموت من الفرحة:
ليست هناك تعليقات:
إرسال تعليق