دي المادة 128 من دستور مرسي
"يشكل مجلس الشورى من عدد لا يقل عن مائة وخمسين عضوا، ينتخبون بالاقتراع
العام السرى المباشر. ويجوز لرئيس الجمهورية أن يعين عددا لا يزيد على عُشر عدد
الأعضاء المنتخبين."
حاولت أطلع منها بكلمة واحدة توحد ربنا بتحدد عدد أعضاء مجلس الشورى، ملقتش.
هو هيبأى زي نادي العاصمة وللا إيه؟ يعني أي حد مرسي عايز يعينه فيه هيعينه وللا هيكون مطاكأة لأعضاء الإخوان المجتهدين؟ حد يقولي الدستور المتفبرك ده محدد عدد أعضاء مجلس شورى الإخوان بكام واحد عشان علأقل عشان نحسب مصاريف البوفيه المفتوح ورحلات الحج والعكرة والسيارات والشقق وبدلات الجلسات، ولا هتفضل سايبة كده علطول ومنهوبة. وبما أنه مجلس كان في جرة وطلع بره وشايل السلطة التشريعية لحد ميعملوا مجلش شعب يعني زي فيلم الناظر كده مدرس فرنساوي وتاريخ لغاية ميجيبوا مدرس فرنساوي، يبأى لازم نعرف فيه كام عضو وهيطفحوا ويسكنوا ويحجوا يشربوا ويتنقلوا يقبضوا كام؟
ليست هناك تعليقات:
إرسال تعليق