لا عيش ولا حرية ولا عدالة اجتماعية ولا سيناء، مبروك يا رجالة

1- المجلس العسكري كان بيهددنا بالحدود وإننا لازم نسكت ونروح بيوتنا ونرضى بأي حاجة يعملها عشان مصر، أما الإخوان فمبيهددوش لأنهم مش فاضيين غير للبزنس وبالفعل ماشيين في إجراءات التنازل عن سيناء. إيه.... نعم .... أنا بهرتل.... آاااااااااااااه طيب خليك معايا للأخر لحد مخلص هرتلة.

2- معنى إن في جرينوف وهاون وغيرها من المدافع كانت ماشية بتضرب عشوائي في بورسعيد والسويس (المدن الباسلة وأهم مدن استراتيجية في مصر والمادخل الأساسية إللي بيستهدفها أي معتد أو محتل) إننا فقدنا المسافة من الحدود مع الصهاينة لحد السويس وبورسعيد. وده حقيق لأن القوات المسلحة في سيناء عددها محدود وعندهم قلق على الحدود وقلق في منطقة وسط سيناء ودلوقتي الجديد إن بأه عندهم اضطراب على الحدود الغربية لسيناء وبكده يكون الجيش في سيناء محاصر.

3- إحنا بنفقد سيناء وااحدة واحدة وأصبحت حدود مصر الشرقية الحقيقية دلوقتي هي بورسعيد لأن أي نقطة في سيناء دلوقتي مالكش حكم عليها مالآخر.

4- حط دا جنب التغطيات الإعلامية الحكومية إللي مسمية الشهداء في المدينتين قتلى بيؤكد إن إللي جصل مش مسئولية الداخلية ولا الجيش ولا الرئاسة دي ناس جت قتلتهم ومشيت.

5- حط إلي فات جنب دعوات مجلس الشورى الصريحة للانتهاء من وضع وتطبيق قانون الطواريء. ودعوة تانية لتجميد الحياة السياسية يعني إلغاء الأحزاب إلي قالها عصام شبل عشان الإخوان وذيولهم ياخدوا راحتهم. وبده بأه بيبع سيناء يبيع البلد ياخد رارات ياخد بعضه ويسافر يعما أي حاجة وهو مستريح خلاص بأه أي حد هيتكلم خيضرب بالنار.
6 - بص الخريطة دي الأماكن إللي باللون البرتقايل دي خلاص راحت من إيدين مصر ومسيطر عليها الإخوان والجهاديين. المناطق إللي جنبها خط أخضر دي لسه دورها جاي عشان نفقد سيناء لصالح جهة هتدعم مرسي حال حدوث أي انقلاب عليه.

دي نظرية المؤامرة ومقدرش أصدق حاجة غيرها عشان مصر فعلًا في مؤامرة مفضوحة وسخة.