اشتباكات في محيط مديرية الأمن ببورسعيد
اشتباكات في محيط مديرية الأمن بالمنصورة
مدرعة أمن مركزي تدهس مواطن بالمنصورة
النيابة تقوم بأسرع إحالة في تاريخها في نفس اليوم لقائد المدرعة التي دهست المواطن بالمنصورة
الحكم ببراءة سائق المدرعة الذي دهس المواطن بالمنصورة
الأولتراس يحاصرون مبنى مديرية أمن الجيزة ومديرية أمن الغربية
الأولتراس يحرقون سيارة للشرطة أمام مبنى مديرية أمن الجيزة دون أدنى تدخل من قوات الأمن
الأولتراس يحذرون من إفلات قيادات الداخلية والمحكوم عليهم بالإعادام من مواطني بورسعيد.
صحافي أمريكي (أريك تريجر) يدون على تويتر تصريحات على لسان البلتاجي أشار فيها إلى أنه مسئول عن إعادة هيكلة الداخلية.
إضراب الشرطة وغلق أكثر من 9 مراكز وعدد كبير من أقسام الشرطة في القاهرة
الشرطة تقتل مواطنًا في المنصورة وآخر في بورسعيد في محيطي مديريتي الأمن بالمحافظتين
وزير العدل يحيل مشروع قانون لتأسيس شركات أمن خاصة مصرح لأفراداها بالتسليح الكامل لحماية المنشآت
يسري فودة يعقد مداخلة تلفونية مشتركة بين محمد البلتاجي والصحافي الأمريكي الذي نسب إليه تصريحات بأنه هو من يدير وزارة الداخلية ويشرف على أخونتها ومسئول عن كل ممارسات قمع الشرطة.
انسحاب الشرطة من مديرية الأمن ببورسعيد وتسليم مبنى ومنشآت المديرية للقوات المسلحة.
حرق مقر جريدة الوطن بالدقي بعد نشر خبر يفيد بأن كابوهات الأولتراس اجتمعوا بخيرت الشاطر، الذراع المالي لجماعة الإخوان المسلمين والمحرك الحقيقي للجماعة، وتمت ترضيتهم والحصول على وعد منهم بالتهدئة حال صدور حكم ببراءة المتهمين في قضية مجزرة بورسعيد من المواطنين أو قيادات الداخلية.
ها؟ إيه الأخبار؟ إيه رأيكم في مجموعة الأخبار إللي سيطرت على الكل ونجحت في أن تشغل الجميع عن القضية الأساسية إللي هي إن مصر مسرقوة مننا والوطن مخطوف من 8 شهور؟ طيب بلاش القضية الأساسية، خلينا في قضية فرعية صغيرة شوية، إيه رأ]كم في طريقة إدارة الإخوان للأزمة إللي هما فيها دلوقتي بالإشاعات وافتعال الفوضى وتفصيل المؤامرات؟
الحقيقة الوحيدة إللي أنا اكتشفتها من كن كل الأحبار إللي صدعنا منها طول الأسبوع مالهاش علاقة بالداخلية ولا بالعنف ولا بالتظاهرات ولا بالاحتجاجات. دي ليها علاقة بواقع هو إن النظام المباركي لا زال يحكم مصر وأن الإخوان امتداد لمبارك. وبما أنهم امتداد لمبارك يبأى لازم يقدسوا إللي كانو بيقدسه نظام المخلوع وأكبر مقدسات عند مبارك كامت القطط السمان إللي هما اللواءات والضباط إللي كانوا بيحكم البلد بيهم إللي كانوا دراعاته وأصبحوا دراعات مرسي دلوقتي وميعرفش يحكم غير بيهم. الحقيقة إلي مبأتش مُرة خالص بالنسبة لي إن لسه كلاب الداخلية وبعض كلاب الجيش بيحكمونا بالسلاح وإللي مسميينه رئيس جمهورية بيقف أدامهم زي الكلب ويضحي بأي حد وأي حاجة عشان يراضيهم.
السياسة الوسخة هي هي دربكة وكرسي في الكلوب شغالة من يوم 26 يناير وحكم مسيس بالإعدام على أكتر من 30 مواطن منهم مسجل خطر ومنهم مواطن عادي ومنهم بلطجي ومنهم قصر تحت 21 سنة ومنهم متهمين اتحكم عليهم بالإعدام وهما من طرف المجني عليه (الأولتراس). كل الدربكة والفوضى إللي بيصنعها الإخوان عشان محدش يطالب بمحاكمة عادلة عاجلة ناجزة لوزير الداخلية الأسبق محمد إبراهيم ومساعديه ومدير أمن بورسعيد ونوابه والحاكم العسكري لبورسعيد في فبراير 2012 عن مسئوليتهم المباشرة وتواطؤهم الثابت في تقرير لجان تقصي الحقائق إللي اختفى ومعدش حد بيسمع عنه حاجة. الكل باع شهداء الأولتراس حتى الأولتراس نفسهم. المل باع شهداء مصر من أول خالد سعيد والسيد بلال إللي قومونا من موتتنا وخلونا نعمل ثورة لحد آخر شهيد في بورسعيد وقاعدين في دائرة الإخوان إللي ناصبينها حوالينا وبيحركونا زي مهم عايزين.
أنا لا يهمني حكم محكم هيؤكد على إعدام نص المسئولين عن الجريمة بتاعة مجزرة بورسعيد بينما المسئولين الأكثر تحملًا للجريمة بره معززين مكرمين وفيهم إللي بيتضرب له تعظيم سلام. ولا يهمني اشتباكات بتدور دلوقتي وبتضيف لقائمة الشهداء ولا يهمني الدم والسحل والخطف والإهانة والذل والأزمات المصنوعة إللي كل الناس شاربة نارها دلوقتي، أنا يهمني حاجة واحد تحصل بعدها ممكن أقبل أي حاجة، نرجع البلد تاني من إللي خطفها لأن الوضع ده هيستمر طول مإللي خطفها عمال يجري بيها ومبيقفش عشان خايف من العقاب. نرجعها ولو بأرواحنا كلها إللي يتبأى كفاية يكمل ثورتنا ويرجه لمصر هيبتها إللي كسرها المخلوع ومن ساعتها وهي في بؤ الضباع.
مش هذكر من الشهداء كتير، هو واحد بس عشان أعرفكم إن ابستامته اتسرقت وهتفضل مسروقة طول ممصر مسروقة ومخطوفة والحرامي بيجري بيها. فاكرين ابتسامة أنس؟
ليست هناك تعليقات:
إرسال تعليق