طبق اليوم، مش هتقدر تقفل بؤك

موضة باسم يوسف بطلت وللأسف كله في حالة تأهب لمحاكمة #مرسي ومش فاضي يطلع موضة جديدة لنهاردة عشان ينزل بالتقيل بكره. للأسف الشعب ده بيعمل كل سنة نسخة بالكربون من نفسه مع أن حاله السنة إللي قبلها كان زي الزفت وهي دي طريقة المصريين في التأقلم مع الواقع.

المكونات والمقادير:

واقع مهبب بستين نيلة (متوافر في كل مكان والكمية مفتوحة حطي زي منتي عايزة)

ناس بعقول تم تكينها في المخازن مع أنها لا زالت تعمل. ملايين أو حتى عشرات الملايين)

شبكات تواصل اجتماعي. (متعدش)

طريقة العمل:

بص لنفسك لسنة إللي فاتت.. ها بصيت؟ بص تاني كويس واحفظ لشكل

قضى السنة في أي حاجة عادي اتكلم واهري في أي مواضيع وأوعى تتكلم عن قضية محترمة زي الحرية ولديمقراطية والكلام الفارغ ده.

السنة تعدي تمام تبدأ تستدعي من الذاكرة كل السلبيات والمشاكل والأزمات بتاعت السنة إللي فاتت وتجهزها وتتبلها وتحطها في طاسة تتشوح.

بعد كده أبدأ غير أسماء الأزمات يعني ممكن تسمى أزمة الأنابيب (أزمة البوتاجاز) ممكن تشيل محاكمة المخلوع (محاكمة مرسي) ممكن تسمي حكومة شرف (حكومة الببلاوي) ممكن تشيل هتاف يسقط حكم العسكر وتشغل (تسلم الأيادي) المهم تحافظ على عدد الأزمات والمشاكل وتنسى القضية الأساسية خالص.

خلصت؟

حط ده كله على بعضه وقلب قلب قلب قلب لحد متحصل على خليط متجانس، ومتسألنيش خليط متجانس يعني أيه الست بتقول كده في البرنامج بعد متخلص تقليب)

خد لك يومين أجازة


بس يا سيدي أقعد بكره في البيت وجهز شيبسي وبيبسي وبوب كورن وشيكولاتة وحاجات كتير كده واعمل مرعبو من إللي هيحصل في الشارع أثناء المحاكمة إللي أصلًا مرسي مش هيحضرها والمحامين بتوعه مش هيقولوا أي حاجة وهيحضروا مراقبين وقلب في القنوات هتلاقي أكشن من إلي قلبك يحبه تكسير تدمير تخريب مواجهات حاجة تكيف بجد. عادي مهو الإخوان برضه ثقافتهم مصرية بيعجنوا نفس العجينة ويفضلوا يطبخوا فيها من السنة للسنة.

صحافة خالية من الـ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من المؤكد أنك مثلي تتملكك تلك الرغبة القوية في قراءة مقال يخلو من ذكر الـ ؟؟؟؟؟؟؟؟ وتتوق بقوة إلى أن تقرأ موضوعًا يبعث على الأمل والتفاؤل ويزرع الفرحة التي افتقدناها لسنوات في قلوب جفت أرضها وقحلت تربتها. كما أؤكد أنك سوف تفعل كل ما في وسعك لتستصلح هذه التربة بعد تصحر دب فيها لثلاث سنوات.
وت
بالفعل أجدني في حالة ترفض اليأس والإحباط والقنوط. ترفض كل ما ليس إيجابيًا. أريد أن أكتب عن كل جميل وكل مبهج ومفرح ومثير للفرحة. أرغب بشدة في تفادي كتابة عدد كبير من الكلمات أو تكرارها هي كلمات مثل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أخبرني إذن بما تريد ودعنا نبدأ رحلة إلى السماء إلى الشمال إلى أعلى وننطلق عكس اتجاه الجاذبية الأرضية ونتحدى نيوتن ونظرياته دون أن نغيب عن الواقع أو نهرب منه وإنما لنغيره ونحن بإذهان صافية وعقول لا تسيطر عليها الانفعالات والاستفزازات. أرى أنك فعلًا مثلي تمامًا تحتاج إلى مقال يخلو من ذكر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وأقسم لك أنني أريد الكتابة دون ذكر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما عليك إلا أن تساعدني بقائمة من الأشياء التي لا تريد أن تراها على صفحات الجرائج والإنترنت حتى نتخلص منها كلها نبدا في كتابة تاريخ جديد له بياض الثلج ونقاء السماء في يوم مشمس.

وآخر كتابي آيا مهجتي.. أمانة ميمشي ورا جثتي سوى المتهومين في الوطن تهمتي ....

وآخر كتابي آيا مهجتي.. أمانة ميمشي ورا جثتي سوى المتهومين في الوطن تهمتي ....

إلى أمهات مصر في يوم النصر

كل سنة وكل مصري بخير

جمعة مباركة

Friday is the day when Allah gives His Blessings 

رد أنت يا سيسي (إذا أنكرت الواقع فلن تتمكن من تغييره)

تحليل سؤال للضابط عمر مازن للفريق السيسي وإجابة السيسي على السؤال

عمر مازن: 

1-      يدل حديثه على خلفية رجل عسكري كلاسيكي من الطراز الأول.

2-      يدل ذكره للخطوط الحمراء الخاصة بالقوات المسلحة على حرص شديد على الحفاظ على المؤسسة العسكرية وتماسكها وقوتها وإبعادها عن معترك الإعلام في ظل أوضاعه المتردية في الوقت الحالي حيث لا يوجد لدينا إعلام احترافي يؤتمن على التعامل مع مؤسسات الأمن القومي. يخلو الحديث تمامًا عن خطوط حمراء لأشخاص من باب العنجهية التي تعودنا عليها من قبل.

3-      ذكره لبعض الوسائل التي يمكن من خلالها تحقيق تأثير إعلامي على الجماهير يدل على عقلية تقليدية لم يُتح لها التفكير خارج الصندوق من قبل. (الاتفاقات خلف الأبواب المغلقة مع الإعلاميين – الترغيب والترهيب)

4-      مع ذلك، أكدت الكلمات القليلة التي قالها الضابط عمر مازن على أن عقيدة القوات المسلحة تشهد تغيرًا جذريًا واضحًا حيث أكد أن القوات المسلحة ابتعدت تمامًا عن السياسة. 

ردود السيسي: 

1-      التأكيد على قيمة القانون وأنه وحده سيكون الفيصل في التعامل مع أي نتهاك إعلامي في حق القوات المسلحة أو مساس بالأمن القومي.

2-      رفض فكرة الترهيب لأي إعلامي أو مؤسسة إعلامية.

3-      التأكيد على ضرورة التغيير في عقيدة وطرق ووسائل القوات المسلحة استجابةً للتغيير الحاصل بعد الثورة.

4-      الأسلوب الهاديء الراقي المتحضر في الرد والخلفية العلمية الواضحة التي ظهرت في الحديث عن الأذرع الإعلامية للقوات المسلحة.

5-      لا يقلقني على الإطلاق الحديث عن التأثير الجماهيري للقوات المسلحة في المواطنين لأنها المؤسسة الأكثر تماسكًا على الإطلاق في تاريخ مصر الحديث وهي التي حكمت لـ 60 عامًا ولابد أن تبحث عما يحافظ لها على هذا التماسك والوضعية الخاصة  التي تمتعت بها على مدار عقود. وأعتقد أن أي عاقل يفكر بمنطقية لابد وأن يعترف أن القوات المسلحة لها وضعية خاصة وأنها تسعى لأن تحافظ على نفوذها القوي في البلاد وأنها تريد، بل وتحرص على التوغل في كل مؤسسات الدولة وأن تصدر المشهد في قلوب المصريين لحماية مصالح ذات صلة بالأمن القومي ومصالح خاصة بالمؤسسة وأفرادها وقيادتها. وإذا كان التأثير الإعلامي من خلال الأذرع التي يتحدث عنها السيسي سوف يسهم في الحفاظ على كيان المؤسسة العسكرية فأنا شخصيًا أرحب به لعدم توافر أي بديل لدي أو لدى غيري لحفاظ على هذا الكيان حتى الآن. وبما أنه واقع لا يمكن إنكاره ويحتاج تغييره إلى عشرات السنوات حتى نتمكن من إقامة دولة مدنية يحكمها دستور تنبثق عنه قوانين يمكنها حماية جميع مؤسسات الدولة من ينها المؤسسة العسكرية، حتى يتحقق ذلك، دعواالسيسي يقود القوات المسلحة فالأمر لا يحتمل معارضة تتدخل في إدارته للمؤسسة ولا تأييد ينقله من منصب هو الأجدر به على الإطلاق إلى منصب لا يفقه فيه شيئًا.

It's a fact that Egyptian Armed Forces is the most powerful and influencing institution in the state and this makes it keen on having a prominent role all the time. you want to change that reality, go ahead with the state towards a constitution of justice and freedom to put all institutions and agencies of the state under the control of an legibly elected president who represents all the Egyptians, not only his faction as Morsi did. 

  

وأخيرًا أود التنويه على أن هذا الاجتماع لم يتم تسريبه من القوات المسلحة، بل سربته القوات المسلحة بمعرفتها حتى تتكشف بعض الأمور للمصريين على مختلف مستويات الوعي لديهم. 

قائد عسكري أهلًا بك وسهلًا مع كل الحب والتقدير، حاكم عسكري "يسقط يسقط"

مش السيسي ده بتاع المخابرات العسكرية إللي كان بيشتغل المخرج بتاع طنطاوي وبينفذ كل تعليماته وبيراقبنا في التحرير وفي كل حتة وبيدي المعلومات عن خط سير مسيراتنا وإحنا رايحين أي حتة وبيسيب علينا المواطنين الشرفاء يضربونا ويتلوا ناس مننا في كل مسيرة وكل فاعلية وكل مواجهة مع الأمن، أيوه هو

بس كل ده ميهمنيش مقابل إللي عمله. طيب أيه إللي عمله:

عرض نفسه وقيادات كبيرة في الجيش للخطر لأنه لو فشل في دعم خارطة المستقبل ومعرفش يتصرف ويتحفظ على مرسي كان رقبته ورقبة إللي معاه طارت.

لو وقف مع الإخوان والشرعية والبوظة بتاعتهم كان نزل ضرب فينا هو ورجالته وكنا كلنا رحنا سوريا من غير منتحرك من مكاننا.

لو خد موقف سلبي مثلًا وقال ماليش دعوة ولعو في بعض كان الإخوان نيمونا من المغرب ورجعونا بعد كده حوالي 1000 سنة لوراء. الحمد لله 60 سنة لوراء أحسن من 1000 وسهل أوي يتجابو ونعديهم في سنتين تلاتة.

أحترم وأحب هذا القائد العسكري، بس برضه لو حاول يحكم مصر هقوله "يسقط يسقط حكم العسكر"
hg

يا عووووووووووووووووووووومر

تحليل سؤال لضابط عمر مازن للفريق السيسي وإجابة السيسي على السؤال

عمر مازن:

1-      يدل حديثه على خلفية رجل عسكري كلاسيكي من الطراز الأول.

2-      يدل ذكره للخطوط الحمراء الخاصة بالقوات المسلحة على حرص شديد على الحفاظ على المؤسسة العسكرية وتماسكها وقوتها وإبعادها عن معترك الإعلام في ظل أوضاعه المتردية في الوقت الحالي حيث لا يوجد لدينا إعلام احترافي يؤتمن على التعامل مع مؤسسات الأمن القومي. يخلو الحديث تمامًا عن خطوط حمراء لأشخاص من باب العنجهية التي تعودنا عليها من قبل.

3-      ذكره لبعض الوسائل التي يمكن من خلالها تحقيق تأثير إعلامي على الجماهير يدل على عقلية تقليدية لم يُتح لها التفكير خارج الصندوق من قبل. (الاتفاقات خلف الأبواب المغلقة مع الإعلاميين – الترغيب والترهيب)

4-      مع ذلك، أكدت الكلمات القليلة التي قالها الضابط عمر مازن على أن عقيدة القوات المسلحة تشهد تغيرًا جذريًا واضحًا حيث أكد أن القوات المسلحة ابتعدت تمامًا عن السياسة.

ردود السيسي:

1-      التأكيد على قيمة القانون وأنه وحده سيكون الفيصل في التعامل مع أي نتهاك إعلامي في حق القوات المسلحة أو مساس بالأمن القومي.

2-      رفض فكرة الترهيب لأي إعلامي أو مؤسسة إعلامية.

3-      التأكيد على ضرورة التغيير في عقيدة وطرق ووسائل القوات المسلحة استجابةً للتغيير الحاصل بعد الثورة.

4-      الأسلوب الهاديء الراقي المتحضر في الرد والخلفية العلمية الواضحة التي ظهرت في الحديث عن الأذرع الإعلامية للقوات المسلحة.

5-      لا يقلقني على الإطلاق الحديث عن التأثير الجماهيري للقوات المسلحة في المواطنين لأنها المؤسسة الأكثر تماسكًا على الإطلاق في تاريخ مصر الحديث وهي التي حكمت لـ 60 عامًا ولابد أن تبحث عما يحافظ لها على هذا التماسك والوضعية الخاصة  التي تمتعت بها على مدار عقود. وأعتقد أن أي عاقل يفكر بمنطقية لابد وأن يعترف أن القوات المسلحة لها وضعية خاصة وأنها تسعى لأن تحافظ على نفوذها القوي في البلاد وأنها تريد، بل وتحرص على التوغل في كل مؤسسات الدولة وأن تصدر المشهد في قلوب المصريين لحماية مصالح ذات صلة بالأمن القومي ومصالح خاصة بالمؤسسة وأفرادها وقيادتها. وإذا كان التأثير الإعلامي من خلال الأذرع التي يتحدث عنها السيسي سوف يسهم في الحفاظ على كيان المؤسسة العسكرية فأنا شخصيًا أرحب به لعدم توافر أي بديل لدي أو لدى غيري لحفاظ على هذا الكيان حتى الآن. وبما أنه واقع لا يمكن إنكاره ويحتاج تغييره إلى عشرات السنوات حتى نتمكن من إقامة دولة مدنية يحكمها دستور تنبثق عنه قوانين يمكنها حماية جميع مؤسسات الدولة من ينها المؤسسة العسكرية، حتى يتحقق ذلك، دعواالسيسي يقود القوات المسلحة فالأمر لا يحتمل معارضة تتدخل في إدارته للمؤسسة ولا تأييد ينقله من منصب هو الأجدر به على الإطلاق إلى منصب لا يفقه فيه شيئًا.

وأخيرًا أود التنويه على أن هذا الاجتماع لم يتم تسريبه من القوات المسلحة، بل سربته القوات المسلحة بمعرفتها حتى تتكشف بعض الأمور للمصريين على مختلف مستويات الوعي لديهم. 

Realignment = No Fear

Realignment

this the state we are going through in Egypt at the present time. Politically, It is the case when you and you find yourself inclined to the viewpoints and vision of your political opponents and people of conflicting opinion with yours more than your inclination to the viewpoint of people of the same political approach, principles and thought. 

It also occurs due to the conflict of generation as you may find the veterans of a political party are inclined to a stance, while young fellows in the same party or movements are supporting the opposite stance on the same issue. 

We have to consider such state as a positive indicator because it will inevitably produce a new trend, system or approach followed by all members or most of them to open the door against unity and cohesiveness to dominate the political party, the political movement or even the whole society. 

I'm not worries, the nightmare we live will have an end very soon.   

أمك جالها عريس

تخيل أن أمك جالها عريس بعد وفاة أبوك، هتعمل أيه يا معلم وأنت كبير وعاقل ومستقل بحياتك؟ّ!

في رد فعل هيكون رافض جدًا للفكرة وهيقول هي ست كبيرة وخلاص مش محتاجة للجواز ولازم تكون وفية لذكرى المرحوم وتشنجات وخناقات وشغل جنان، دول بأه الجماعة إللي مبيحترموش حق الإنسان واحتياجاته النفسية وبيفكروا بنصهم التحتاني والحياة عندهم ماديات في ماديات ومعندهمش وقت يفكروا أصلًا هم ماشيين صح ولا غلط بيسألوا على أمهم ولا لأ ولا قايمين بواجبهم ناحيتها.

أما رد الفعل التاني في المقابل، هو رج فعل متحضر وعاقل وفيه إنسانية وهيقول أوك ممكن تتجوزي يا أمي عادي بس لازم أمن مستقبلك أشوف العريس وأسأل عليه وييجي يطلب إيدك مني وأستريح له وأتشرط عليه وأخد كل الضمانات إللي تؤمنك ويتعامل مع الموقف كأنه بيجوز بنته بالضبط. ده بأه الإنسان إللي بيعتبر أمه إنسان ومن حقه يعيش ويشبع احتياجاته أولها الااحتياجات النفسية والعاطفية.

وبما أن #مصر هي أمي وأمك وأمنا كلنا، لازم نواجه الموقف الحالي لأنها فعلًا جايلها عريس (رئيس جديد) بعد وفاة بابا الله يرحمه (نظام بدأ من #ناصر  وانتهي بـ #مرسي) فإحنا منقسمين لفريقين دلوقتي:

- الأول إللي رافض فكرة الجواز وموقف حال الست الغلبانة أمنا كلنا ومصمم أنها تفضل وفية لذكرى المرحوم مع أنه مات وشبع موت ومش حرام تدور على نفسها ولا عيب، بالعكس ده حلال ومستحب كمان والمجتمع موافق عليه. دول عايزين إما واحد نسخة من الرؤساء إللي هم اتعودوا عليهم من بتوع البدلة الملكي إللي تحتها فتلة الجيش الكاكي والجزمة الملكي التلاتة أو أربعة خرم (اقرب شبه للجزمة الميري) أو يريحهم برضه إعادة سيناريو عبد الناصر من الصفر تاني من 1954 ونعيده تاني ونكتشف إننا كنا غلط بعد ستين سنة ودول بأه أغلبهم بيروج للسيسي لأنهم ظلمة ومفتريين عايزين ده يحصل عشان يتمتعوا بأول سنوات السيسي (عبد الناصر الجديد بتاعهم) ويسيبوا لعيالهم الذل والفقر والضنا إللي هياكلهم وحيلي بأحفادهم.

- الفريق التاني عايز عريس جديد لمصر من صنف جديد لا عسكري ولا ابن المخلوع ولا إخواني. والفريق ده برضه بيقولها صريحة مطلوب دكر. الدكر هنا إللي هيقدر يرجع الناس كلها واحد تاني ويحافظ عالبلد ويواجه الفساد بالقانون والتشريعات وأجهزة الدولة مش بالسلاح إللي في إيده وجه مش تقليل من الإنجاز العظيم إللي عملوا أولادنا وإخواننا في القوات المسلحة لما خلصوا البلد من إيدين السفلة السفاحين، بس توضيح لأن ده كان واجب عليهم لأنهم الفئة الوحيدة منن إللي الشعب مستأمنها على السلاح وعلى أرواحه.

#السيسي #مصر #عريس #الرئيس

صديقي العزيز عبر الـ SMS لا زالت الصدمة أكبر من استيعابك Egyptian Opinion Writer

رابط المقال:

على مقهى في شارع الدم!

التعليق على المقال:

للأسف يا صديقي لا زالت صدمة #مصر بدون إخوان تؤثر فيك إلى درجة أفقدتك الاتزان:

عزيزي بلال فضل أود التعليق على مقالتك لثانية على التوالي بما يلي:

1- لا زالت مقالاتك الرافضة لطريقة التعامل مع #الإخوان خالية من أي اقتراح أو حل .

2- مايكل كولينز كان أكبر زعماء المقاومة الأيرلندية وعشان يوصل للمفاوضات مع بريطانيا اضطر أنه يغتال رفقاء المقاومة واحد ورا التاني عشان كانوا مرصين يكملوا في طريق العنف والدم زي لجماعة.

تابع دليلك الشخصي للتعرف على صناع الإرهاب

أنت فاكر إنك بموقفك المتعاطف أو الداعم للإخوان، حتى ولو تحت مظلة حقوق الإنسان بتساهم في التهدئة أو القضاء على الانقسام؟! بالعكس أنت بتستفز المجتمع كله وبتزوج حالة الغضب ولهياج ضد #الإخوان وبتزوج الفجوة بينهم وبين الشعب وأحب أقوللك يالل يبتدعي أن الإخوان سلميين حاجتينمهمين حطهم حلقة في ودانك:

1- المتعاطف مع الإرهاب جزء منه وسبب من أٍباب استمراره.

2- اربط بين تصريحات #البلتاجي  بخصوص #سيناء وإن إللي بيحصل هناك هينتهي في ثواني لو رجع #مرسي وبين استشهاد ولادنا في سيناء الـ 24 إلي كانوا هيسلموا وينهوا الخدمة خلال أيام. مش محتاج غير الربط ده عشان أثبتلك أننا في معركة شرسة مع إرهابيين #مافيا_الإسلام_السياسي

#مصر #الإخوان #الحرب_على_الإرهاب 

ارحمونا

ارحمونا

دليلك للتعرف على صناع الإرهاب بنفسك: تنظيم الناجون من رابعة والنهضة

أرسل هذا المدعو خالد الشافعي رسالة إلى الجميع في مصر عما يعتزم القيام به من تشكيل مافيا جديدة لأعضاء الإسلام السياسي بعدما غاب الإخوان  عن لمسرح تحت اسم تنظيم الناجون من رابعة والنهضة، وهو ما يجسد ظهور المنهجية الحقيقية لكل أعضاء مافيا الإسلام السياسي والساعين وراء الحكم والسطة والنفوذ وفرض الوهابية والتعصب والتشدد بالقوة. هؤلاء هم #الإخوان وأنصارهم وأتباعهم وأذيالهم. أضمروا العنف والعداء لكل البشر في جميع أنحاء العالم وقاموا بإظهار الود والوسطية، ولكن انتهت المسرحية وغادروا خشبة المسرح إلى غير رجعة.

هذا الوغد الذي يتحدث يتشوق إلى شرب الدماء ويبكي عهد سيد قطب وبن لادن.

هذا القذر الكاذب المدعي يدعي أن الإخوان وأعضاء مافيا الإسلاك السياسي تركوا ولو بابًا واحدًا مفتوحًا اللحوار.

هذا الإرهابي الممثل القدير يصف الجميع بالنفاق وما منافق إلا هو وجماعاته الدنيئة ويتحدث كما لو أنه لم يستمع إلى خطاب العنف على منصات مافيا احتلال الإشارات والميادين والمفسدين في الأرض.

هذا المحدود الأفق والفكر لم يرى آلاف الأطنان من المخلفات والقاذورات التي تركتها جماعته في ال ميادين وتعديهم على الممتلكات العامة والخاصة.

هذا المكفر المتخصص لم ير كميات السلاح التي احتوت عليها تجمعات أعضاء مافيا الإسلام السياسي وتجارة الدين.

هذا المرتزق لم ير 20 جثة خلفها أقرانه تحت منصة الموت.

هذا المدعي لم ير الجثث التي استخرجها الدفاع المدني من داخل مسجد رابعة العدوية ومن حديقة المسجد بعد حرقها وتعذيبها.

هذا المرتعد الجبان لم يذكر حقيقة أكثر من 60 جثة على أقل تقدير تحصن بها الإخوان والهاربين من الاعتصام واحتلوا بها مسجد الإمام وامتنعوا عن دفنها لأكثر من يوم كامل لينتهكوا بذلك كل حرمات الله حتى حرمة الموت لم يكن لها وزن عندهم.


يمكنكم الإطلاع على البوست الخاص بمن وصفته بكل الأوصاف أعلاه، خالد الشافعي

تعرف على الوغد وصاحب الأوصاف المدونة أعلاه بنفسك

كان دستورك يا كابتن؟!

بمناسبة اكتب دستورك، في شوية مواد يتحطوا في الدستور تبأى فعلًا مصر دولة بتحترم المواطن:

أولًا: مادة تبطل العمل بكل القوانين التي تجور على حق المواطن الكادح وأبناء الطبقة الكادحة والموظفين في القطاع العام والخاص. تبطل العمل بكل هذه القوانين فور صدور الدستور الجديد وهي على ما أعتقد:
- قانون العمل الذي يعطي صاحب العمل كل الحقوق ويسلب الموظف حقوقه مما يحوله إلى عبد مسخر في خدمة سيده، يقلل راتبه، خصم تعسفي، اضطهاد أحيانًا للعمالة العادية ودائمًا للعمالة المتميزة، ظلم في الترقيات والحوافز، تخصبص جوقة أو فرقة خاصة للتسبيح بحمد المالك لها كل الميزات من بدلات وحوافز ومناصب لا تستحفها وذلك في القطاعين العام والخاص.
- قانون التأمينات الذي يعتمد على الشكل دون المضمون فأكبر قيمة راتب تُسدد على أساسها التأمينات الاجتماعية هي 2000  ويتقاضى من يؤمن عليه بهذا المبلغ ما يزيد عن 20000 جنيه وهو مما لا شك فيه نصب على الحكومة وعلى الموظف لصالح صاحب العمل ويجب أن تكون هناك مادة تبطل قانون التأمينات الحالي ووضع قانون آخر ونظام جديد للتأمينات وتظهير مؤسسة التأمينات من المرتشين وهم على الأقل 90% من العاملين بالهيئة.

ثانيًا: مادة تعلنها صراحة أن جميع النصريين يغطيهم التأمين الصحي بغض النظر عن المهنة أو الوظيفة أو السن وبغض النظر عن خطورة أو تكلفة الحالة.

ثالثًا: مادة تمنع كل من ثبت فشله في منصب سياسي أو إداري من الترشح في أي انتخابات وكل من ثبت تورطه في أي جريمة فساد حتى ولو كان فساد أدى إلى ضياع ربع جنيه من أموال مصر. كل من استغل نفوذه أو منصبه في عمل غير شرعي أو التنكيل بأي مصري، كل من عليه ديون بالملايين للبنوك المصرية، خاصةً المتعثرين، لرفع الغطاء السياسي والحصانة عن النصابين والهاربين بالقروض ومنعهم من الوصول إلى تلك الحصانة من الأصل.

دستورنا الجديد عايز مواد تمنع وتحظر وتفلتر وتصفي وتنتقي وتختار وتحجب وتفرض، أكثر من حاجته لمواد تعمل البحر طحينة فضفاضة ومالهاش لازمة غير إنها تخلي الدنيا وردي وإحنا في ظروف عايزة شدة وعايزة وضوح في كل كلمة في الدستور.

فلاديمير نصر الله: عن المفاهيم المغلوطة أتحدث

تمت الدعوة إلى مليونية للترحيب بالأخ الرئيس فلاديمير بوتين الروسي، ولا أدري أين كانت العقول قبل إطلاق هذه الدعوة. فليس من المنطقي أن نرحب بشخص لمجرد دعمه لثورة مصر على المستوى الدولي متجاهلين مواقفه الدولية التي المغلفة بغلاف جميل المظهر بينما تنطوي على العار والذل والمهانة وتكريس الاستبداد والظلم والقهر ودعم النظم الأوتوقراطية.

فبوتين ليس محل ترحيبي أو ترحيب كل من يقف في صف الإنسانية والحرية والكرامة لأنه ببساطة:

يدعم نظام بشار الأسد سفاح الشرق الأوسط الأول وقاتل الـ 100000 سوري تحت دعوى مكافحة الإرهاب وأشهر مغتصب للأرواح في تاريخ البشرية وصاحب وسام قتل الأطفال من الدرجة الأولى. ومهما تعالت الأصوات التي تساند بشار وتدعي أنه مقاوم للإرهاب أن جيشه جيش وطني ليس مجرد ميليشيات علوية تعمل من أجل بشار ومن قبله حافظ الأسد، فلن يخفي ذلك الحقيقة التي يرها الجميع من أن بشار الأسد هو قاتل عشرات الآلاف من الأطفال والعزل. ومهما ارتفعت أًوات أصحاب الدعاية المروجة لهذا القاتل، فهو المسئول عما يجري الآن في سوريا حيث فتح الحدود أمام كل الخلايا الإرهابية لينفذها عمليًا "إما أنا وإما الفوضى".

ولأن بوتين لديه أجندة في المنطقة تتضمن استعادة النفوذ الروسي في المنطقة من خلال دعم بعض الدول التي تتبنى الاشتراكية الزائفة القشرية التي لا تأخذ من الفكر الاشتراكي غير الاسم بالإضافة وإظهار الدعم القوي لما تبقى من النظم الاستبدادية في الشرق الأوسط مستغلًا حالة الضعف التي يمر بها النفوذ الأمريكي في الشرق الأوسط في أعقاب انسحاب الجيش الأمريكي من العراق والانسحاب المزمع من أفغانستان.

وأبرز مظاهر الأجندة الروسية ما يبدو لنا على الشاشات الروسية الناطقة بكل اللغات منها اللغة العربية التي تمجد في بشار الأسد وتصفع بالرئيس الشرعي وبطل مقاومة الإرهاب، وهو ما يمكن إداركه ببساطة من مجرد متابعة لدقائق لشريط الأنباء على قناة روسيا اليوم الناطقة بالعربية. ولا يقتصر الأمر على دعم بشار، بل تدعم روسيا كل داعمي بشار على رأسهم حزب الله حيث تنتشر أخباره في شريط الأنباء علاوةً على إجراء لقاءات مع قيادات حزب الله من بينهم صبحي الطفيلي، المنسق الأول الأسبق لحزب الله، والذي دار نستشف من حواره على روسيا اليوم أن نشاط حزب الله يتكون من 90% مفاوضات وتفاهمات واتفاقات مع إسرائيل و10% مناوشات "مناوشات" عسكرية على حد وصف الطفيلي.

 فليست هناك سمة حرب بين المجاهدين من حزب الله كما يدعون وبين المحتل الصهيوني. ولو كان هناك صراع حقيقي بين مقاومة شريفة، إسلامية كما يدعون، ومحتل صهيوني أو عدو صهيوني، لما رأينا هذا الكم الهائل من الاتفاقات السرية والمعلنة بين الفريقين.

وهنا أستطيع أن أؤكد أنه لا فرق بين حزب الله وإسرائيل حيث يتخصصان في قتل الأبرياء وممارسة الهيمنة على دول المنطقة. وهاك فارق لصالح إسرائيل فيما يتعلق بقتل الأطفال حيث تقتلهم إسرائيل وتعرف بقتلهم تحت مظلة الدفاع عن نفسها ضد أطفال الحجارة واصفين المقاومة بالعنف بينما يقتل حزب الله الأطفال من خلال دعم بشار أو حتى السكوت عنه وعن جرائمه في حق الإنسانية. بينما على صعيد الهيمنة، نجد حزب الله يهيمن على الحياة السياسية في لبنان، وهو السبب الأساسي في أي اضطرابات تظهر في المشهد السياسي بين الحين والآخر، وهو أيضًا القوة التي تفرض نفسها ونهجها على الجياة في لبنان وتجعل من السلاح أداة للممارسة السياسية حتى الآن في دولة تشق طريقها نحو ديمقراطية حقيقية.

فأصلحو بينهما

بِسْمِ اللهِ الرَّحْمنِ الرَّحِيمِ

"وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِنْ بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ"

كل عام وأنتم بخير وأعاد الله عليكم الأعياد بالخير واليمن والبركات والسعادة والألفة والمودة والرحمة والسلام والوحدة. هذا كلام الله الذي تعلمت أن يكون المعيار الأول في الحكم على كل شيء حيث وصف الله الذي أنزل القرآن على نبيه صلى الله عليه وسلم بأنه "إنما إلهكم الله الذي لا إله إلا هو وسع كل شيء علما". 

هكذا هو كلام الله في الوضع الراهن الذي نعيشه في مصر فهناك طائفتان من المؤمنين، وهنا أؤكد أنه من غير المقبول أن يصف أي منا أي من الطائفتين بأنها غير مؤمنة بقوله صلى الله عليه وسلم عن أبي سعيد الخدري رضي الله عنه "إِذَا رَأَيْتُمُ الرَّجُلَ يَتَعَاهَدُ الْمَسْجِدَ فَاشْهَدُوا لَهُ بِالإِيمَانِ"، فالطائفتان مؤمنتان هناك صراع بينهما. وعندما ينشب النزاع بين المؤمنين، علينا أن ننفذ أوامر الحق عز وجل بما أننا مؤمنون وأن نبدأ في الإصلاح بينهما نحن وبأيدينا وبألسنتنا، لا أن نلجأ إلى طرف أجنبي ليدير مفاوضات. فلم أر شيخ الأزهر يبادر بالحديث إلى معتصمي رابعة العدوية وأنصار مرسي ويتجاوز بمكانته العالية عما تلقى من سب وإهانات ويقوم بدوره وهو وغيره من مشايخ المنهج الوسطي الذي يتهافت عليه مسلمو العالم. ولم أر أيضًا أي من أعزائي الناشطين الحقوقيين الذين يولولون طوال الوقت على ما يمكن أن يتعرض له هؤلاء المعتصمون ولم تخرج أو تظهر أي مبادرة تجمع الناس على قلب رجل واحد ليتوجهوا إلى الاعتصام ويحاولوا إقناع المعتصمين بالأمر الواقع الذي نعيشه. فالكل متفرغ للإدانة والهجوم فقط. ومع قبح المشهد وهول ما يفعل الإخوان، لا أجد نفسي بريءًا من هذه الجريمة التي شاركت فيها فطوال الوقت نهجم وندين ونشجب ونهدد ونحرض السلطات ونسخر من هؤلاء. بهذا يكون الأمر بالإصلاح بينهما غير محقق ولم يتوجه إليه أحد على الإطلاق. 

فقاتلوا التي تبغي، نعم هذا هو الخيار الثاني الذي لا يمكننا تجاوز الخيار الأول بدونه حيث أوضحت الآية الكريمة بما لا يدع مجالًا للشك أن الوضع الحالي يتضمن طائفتان من المؤمنين تقتتلان ولم يتم الإصلاح بينهما. أما بعد أن تنتهي محاولات الإصلاح الحقيقية التي لم تبدأ بعد وتبوء بالفشل، فعلى الحاكم أو من بيده السلطة قتال الفئة الباغية، وهي الإخوان وأنصارهم طبعًا، ولكنه قتال مشروط "حتى تفيء إلى أمر الله" حتى تستعيد رشدا. فلن يكون هناك حرب إبادة لهذا الفصيل الخارج عن نسيج الأمة. أنه مجرد قتال لوقف الإفساد في الأرض ومنع وضع البلاد في دوامة الانقسام والعنف والإرهاب. 

فغن فاءت فأصلحو بينهما، هذه هي الخطوة التالية للقتال حيث يجب أن تكون هناك خطة لاحتواء هذا الفصيل وتعليمه الوطنية وأن لمصر حدود في إطار برنامج إعادة تأهيل وطنية مصرية خالصة. برنامج يشرف عليه خبراء في علم النفس وعلم الاجتماع وعلماء دين. فلا ننتظر حتى يتم فض الاعتصامات بالقوة وتبدأ بعدها حرب شوارع وتنتشر ميليشيات تتكون ممن تم فضهم بالقوة وهم لا يزالون في حالة التغييب واقعين تحت تأثير برنامج غسل المخ الذي تعرضوا له لسنوات طويلة. 

  

عبث وللعبث فقط ... وداعًا أخلاق الميدان إلى الأبد

للمرة الأولى لن أناديه بـ "هاتولي راجل" لأنه الآن في موقف المظلوم. ولا أرى أن هناك وجه لهؤلاء من يمسكون بهذا الرجل ولا حق لهم في إلقاء القبض عليه أو التحفظ عليه، وهو ما يخالف الأسس التي من المفترض أن تقوم عليها دولة المؤسسات. لن أحيد عن الحق مهما حدث ومن رافقتهم يومًا في ميدان التحرير ولا زلت أخالطهم كثوار أحرار ليسوا هؤلاء وليست هذه خلقهم.

كابتن ممدوح فرج يعلق على الوضع الحالي

هيه أنت

عايز حقوق إنسان منا برضه عايزها بس من غير إرهاب.
طيب عملت أيه عشانها؟ عملت مبادرة لتحسين وضع الاعتصام الهمجي أو المسلح أو صفه كما شئت. هل أعلنت مرة أنك مستعد لزيارة الاعتصام حتى تتأكد بنفسك أنه خال من السلاح؟ أم أن جبنك وخوفك من أن يمزقك الإخوان بأسنانهم الحامية منعك لأنك ببساطة بالنسبة لهم ناشط سياسي أو حقيقي وعيل سيس من إللي وقعوا مرسي؟ هو كلام وخلاص ومفيش حلول طرحتها حضرتك خدت بعضك ورحت قعدت في سنفكس. خليك هناك قاعد مستنى الوحي بحلول من أبو الهول.

هيه أنت 

عايز مكافحة إرهاب وتطهير البلد من بؤر العنف والجماعات المسلحة؟ عايز تصحى من النوم متلاقيش عربيتك اتكسرت أو مجموعة من ‫#‏الإخوان قاعدين بيفطروا على باب بيتك؟ عايز الجيش ينزل يذبح الإخوان والمعتصمين في الميدان و ‫#‏الداخلية تنزل تقتل فيهم؟ طيب عملت أيه عشان الهدف ده؟ هل لو الأمن طلب مساعدتك هتنزل معاه تقتل وتذبح؟ طيب هل لو عملت كده هتحترم نفسك بعدها؟ طيب هل لو أنا اختلفت معاك في الرأي في المستقبل هتتكسف تقول عليا خاين أو عميل هتتكسف تطالب الجيش بقتلي مع إني مش إخوان ولا بحبهم ولا بحترمهم وأنت عارف كده كويس؟ هل هيمنعك استعجالك واختيارك للحولول السريعة المؤقتة من أنك تطالب الجيش بقتلي لو أنا عايز استقرار على نضيف هياخد شوية وقت؟

أنت برضه معملتش حاجة وقاعد تسخن بس بالكيبورد.

هيه أنت

ياللي عايز حقوق الإنسان بمفهومها الصحيح ومكافحة الإرهاب تتنفذ صح ولا يقتل إلا القاتل ولا يضرب إلى حامل السلاح ولا يمس بأذى كل أعزل ولو قاطع طريق وتريد تفعيل القانون بالكامل على الأعزل وعلى فرد الأمن وتطالب بتحسين وضع الاعتصام وإخلاؤه من أي مظاهر أو دعوات عنف وفتح الطرق والالتزام بالقانون من كل الأطراف؟ هل فعلت شيئًا لتحقيق ذلك؟ 
أرد أنا بأه:

ولو عملت الللي مش هينفع تعمل حاجة لأنك طول الوقت مشدود من مكافحي الإرهاب الشجعان وبتوع حقوق الإنسان الحنينيين ومربوط من ودانك. أحسن لك تسكت وتحتفظ على نفسك لأن البلد دي عاوزاك بعد مينفض مولد سيدي المورسي. 

بس أنا بأه مش هأسكت

اصطباحة تخيل!!!! الست أم أيمن الرمز الأول والقائد الإسلامي في مصر

هذا هو النموذج المثالي للإخواني الأصيل، يرى في نفسه ما لا نراه لأن على قلوبنا غشاوة العلمانية الريبرارية (هم بيقولوها كده). على كده بأه غادة كمال ونوارة نجم ومنى سيف من القيادات النسائية في قريش.

ولا زال النيل يجري ولا زالت الداخلية بلطجية

جميع الإجراءات الأمنية اللازمة يعني أيه؟؟ هو هنفضل طول عمرنا كلاب ولاد كلاب بنسمع ونطأطأ بدماغنا وخلاص. هتعملوا أيه؟ طيب هتستندوا لأي قانون؟ طيب في ظل أنهو دستور ومفيش دستور؟ طيب ليه النهارده بالذات؟ وليه البيان عامل زي:

"اتفضل معايا عالقسم؟"
الرد: "ليه؟" 
الإجابة: "لما تروح هناك هنعرف"

عايزين نعرف إجابات لكل الأسئلة دي ويكون في مؤتمر صحافي لتوضيح الصورة كاملة للرأي العام لأنه صراحة كفايا بقر بأه يا داخلية. أنا مواطن ومتضرر من #الإخوان في مكان عملي وأكل عيشي، بس لازم أعرف:

ليه اختيار النهاردة تحديدًا وكان في أيام كتير أكثر خطورة وعنف الإخوان ساعتها كان واصل مداه؟

أيه مستقبل أي اعتصامات هتتعمل في البلد بعد كده يعني مثلًا لو حد حب يعمل اعتصام سلمي وقانوني وكل حاجة يروح ياخد إذن من حضارتكم ولا عادي يعمل طالما هو مش إخوان؟

هتتعامل أزاي وهتفض إزاي (عنف - تفاوض - عنف مفرط)

تسليحك إللي هتنزل بيه عشان مترجعش تقولنا "إحنا مضربناش نار أو تعمل زي لعيسوي بتاع إحنا معندنش خرطوش؟

عمومًا، بالنسبة لي أنا هشوف وأحدد إذا كنتم نازلين تقتلوا عاطل بباطل ولا تكافحو الإرهاب. أي نعم إللي عامل نفسه درع بشري يستاهل إللي يحصله، بس الدولة مسئولة عن حماية المواطن حتى من نفسه. وحتى لو أنا مؤيد موضوع فض الاعتصام بأي طريقة عشان الناس تترحم من قطع العيش ووقف الحال، البيان مفروض ميكونش بالسطحية والسخافة دي والمفروض يتكلم عن مهلة يومين 3 4 أسبوع. عمومًا لسه بقولها وقبل مأي حاجة تحصل "الداخلية بلطجية" وده واضح من مجرد الكلام ولغة التهديد والعيب مش عليهم، العيب عالوزارة وإللي ممشي الوزارة والرئاسة على كيفه بتفويض من الشعب.

الاعتراض على الطريقة التي صيغ وألقي بها البيان زفكرة فض الاعتصام نفسها تتتعارض مع الديمقراطية وفكرة مكافحة الإرهاب ليست واضحة بما فيه الكفاية والضبابية خيمة على الأمور لأنه محدش من الجماعة الممثلين على خشبة مسرح السلطة الحالية خرج بإفيه كده مرة وقالنا مثلًا حاولنا نستخدم الحل السياسي الفلاني ومنفعش. محدش قالنا عملنا مبادرة حكومية متفعتش. محدش حكالنا عن إرسال وفد من رجال الدين للتفاوض ومنفعش. محدش عمل أي حاجة من دول بينما الكل كان بلوكلوك في الكلام ده من باب العصف الذهنب وبس محدش خد خطوة على الأرض حتى الجماعة الحقوقيون برضه والناشطون برضه اكتفوا بالبكاء والعويل دون أن يجرؤ أي منهم على إعلان مبادرة تتضمن ذهابه على رأس مجموعة إلى رابعة أو النهضة.

ياللا معايا جهز أكبر جزمة عندك عشان كانا هنحطها في بؤنا دلوقتي حالًا

ياللا يا ناشط
ياللا يا مفوض
ياللا يا إخواني
ياللا يا سلفي
ياللا يا مش إخوان بس بتحبهم وتحترمهم
تفوا على وشي أن حد احترمكم بعد متصقفوا لمحمد إبراهيم وهو بيستبعط على استعباط السيسي على استهبال الببلاوي وتويتات البرادعي.

المسألة مسألة مبدأ مش انتماء سياسي أو ديني. ومن الديل بأه

هتفض اعتصام ليه؟

هتفضه إزاي؟

هتفضه بأيه؟

بموجب قانون أيه؟

السؤال الأهم من كل ده: هتأمن سكان رابعة العدوية والجيزة إزاي يا معلم. ده الإخوان واخدنهم بالحضن وآدي رسالة منهم لأهالي المناطق في الجيزة ورابعة 
"ينعيش عيشة فل ينموت إحنا الكل" مش ده برضه معنى اللي مكتوب عاليافطة "أهالي رابعة ومدينة نصر، للحرية ثمن ندفعه سويًا"

دي أسئلة من حقي أعرف إجابتها كمواطن ويلعن أبو أي انتماء سياسي أو فكري هيخلي الواحد يه راسه زي الخروف. تجاوبني عالأسلئة دي تبأى صاحبي وحبيبي وكفاءة وأروح معاك أٍقفلك وأنت بتفض وأقولك الله ينور عليك أنت بطل أنت بتنفذ القانون أنت بتقوم بدور كبير في تفعيل المؤسسات. أما بأه تستعبط ومتجاوبش النهارده يبأى أي حد يقولك بسك عليهم ويشارولك على أي اعتصام هتجري علطول.
\

الهدف ليس أمن النظام يا سيدي

الهدف لابد أن يتغير ومن لا يتعلم من أخطاءه ينقرض ويفنى من الوجود. ولابد من تغيير العقيدة ولن يغيرها محمد إبراهيم.

الشيخ امام - أنا الشعب

كفاحي سلاحي

وعظمي صديقي

إحنا آسفين يا برادعي والله آسفين

للأسف هذا الفيديو دليل على محدودية خيال وفكر صانعيه لأن البرادعي هو الوحيد الذي أعلن رفضه التام لاستخدام العنف ضد الإخوان أو فض اعصتاماتهم بالقوة على المستويين المحلي والدولي. ولأن البرادعي هو أول من دعا للمصالحة قبل وبعد 30 يونيو وأنه أيضًا أول من فتح الباب أمام عودة الإخوان إلى صفوف الشعب وإلى الحياة السياسية.

إحنا آسفين يا برادعي على تلقيك هذا السفه من هذه الجهة وسفه تهاني الجبالي من الجهة المقابلة فلا هم ولا هي محسوبين على ثورة مصر.


30 

مجلس حرب الإخوان والأذيال

مجلس حرب الإخوان ودليل جديد على سلميتهم

صدق النمنم وكذبت تهاني

كلام الخبيرفي شئون الإخوان الأستاذ الصحافي حلمي النمنم ليس فيه جدال ولا يمكن التعليق عليه باستثناء بعض التحفظات على مسألة التضحيات والثمن الذي يجب أن نصل به إلى الحد الأدنى من الدماء فالكل في آمان في مصر إلا من أبى، ومن أبى هو من حمل السلاح في وجه المصريين وجيشهم. ولا تعنيني تهاني الجبالي في شيء فهي ايست من الثورة في شيء ومن ركاب العربة الأخيرة في قطار الثورة.

وإذا تأمن عصابات سرقة الثورة من كافة التيارات، الإسلام السياسي وغيره من التيارات الليبرالية والعلمانية، فأنت مخطيء فالمتربصون بالثورة كثيرون ومنهم من هم بيننا ويرتدون رداءها وهم أيضًا في مواقع متميزة في مختلف مؤسسات الدولة، بل أن هناك مؤسسات بأكملها تتمنى لو سرقت جزءً بسيطًا من الثورة لتعويض ما ضاع منها من نفوذ. الطريق طويل فأعد العدة للدفاع عن بلدك فإننا المصريون جميعًا في رباط إلى يوم الدين. وأرجو أن نتفهم جميعًا أن مفهوم علمانية وليبرالية ليس له علاقة بالدين في بلادنا التي تحافظ على تقاليدها وأعرافها ومعتقداتها منذ آلاف السنين وأنه لا مساس بالإسلام في مصر ولا تشويه ولا ضرر قد يلحق بالإسلام إلا من هؤلاء المتأسلمين الذين يستغلون الدين في تحقيق مكاسب سياسية لا أكثر ولا أقل ولا يعنيهم الإسلام في شيء وهم في أماكن متفرقة في مصر منها رابعة العدوية والنهضة وبؤر الإرهاب في سيناء.  

الرئيس عدلي منصور يخاطب الشعب من وزارة الدفاع

الرئيس المؤقت "المدني" يدير مصر من وزارة الدفاع. لاحظ في الصورة الفريق أول عبد الفتاح السيسي وكاثرين أشتون في وزارة الدفاع وفي الخلفية صورة الفريق عبد الفتاح السيسي وإلى جوارها خريطة القطر المصري التي تظهر في خلفية سيادة الرئيس. وبما أنها طبيعة المرحلة أن تظهر وزارة الدفاع والقوات المسلحة في الواجهة حتى إرساء قواعد الديمقراطية، ولكن ليس من المنصوح به أن يظهر هذا التوغل العسكري في الحياة السياسية بهذا الشكل الصارخ. 

عاجل || لحظه القبض علي عصام سلطان وابو العلا ماضي والبقية تأتي (كفارة مقدمًا)

إنسانية منزوعة العبط

أيه يعني، شوية دم يطرطشوا عالأرض والحيطان في ‫#‏رابعة‬ والجيزة بعدها كل شيء هيبأى تمام. عادي مفيش مشكلة خالص. أصل العيب مش على إللي هقتل لأنه ليه مبرر وكل الناس معاه، العيب بأه على إللي رضيوا يعملوا نفسهم دروع بشرية لعالم أنجاس وتجار دين. والعيب الأكبر بأه على إللي أطلق أيدين العالم القذرة دي في الشارع المصري عشان يغسلوا مخهم بجاية من السادات وحتى خلع ‫#‏المخلوع‬. والعيب برضه على إللي أدى ‫#‏مصر‬ هدية للإخوان وجري بجرايمه وإللي لسه محمي ومتحصن بمؤسسته ‫#‏طنطاوي‬ و ‫#‏عنان‬ إللي عاملين فيها أبطال دلوقتي ومعاهم القلادات.

ومحدش يجيب المسلسل من الحلقة الأخيرة بتاعت ‫#‏السيسي‬ ويقول هو إللي قتل الناس عند الحرس الجمهوري وفي طريق النصر ومش عارف فين. هو ورجالته بيحموك من الإرهاب وشعبك كله راضي بكده. وبرضه محدش يقعد يعيط ويقول أصل حكم العسكر رجع والكلام الجامدد ده لأنك لو شايف أن حكم العسكر رجع وقاعد ساكت تبأى مش راجل ولو خايف يرجع ومتقدرش عليه برضه مش راجل لأننا ببساطة اضطرينا ميليشات طنطاوي تسلم الحكم للإخوان وتجري وعندنا قوات مسلحة مكنش ممكن تكمل وتوصل لمرحلة سوريا وعلشان كده طنطاوي خد شركاه الـ 18 وخلع. 

إللي في أيدينا دلوقتي قيادة أعلنت أنها ملهاش علاقة بالحكم ورئيس مدني، أي نعم مستخبي، بس بكره بعد الحرب متخلص هيظهر تاني، إللي هيعمل إللي وعد بيه أهلًا وسهلًا وإللي مش هيعمل كده هيروح جنب‫#‏مرسي‬ ومش هيصعب علينا. ولكل مرحلة ضحايا ومحدش يقنعني أن موقف الشاب الإخواني إللي بيقف أدام الأمن أو الجيش دلوقتي وموقف إللي وقف في التحرير وسله بيقف واحد لأنه بيدافع عن شخص وجماعة مش بلد ومقدرش أفرق بينه وبين البلطجي إللي عمل موقعة الجمل وإللي هاجم الثوار في كل مكان لصالح المخلوع. وأعتقد أننا في غنى عن طرطشة الدم وممكن الداخلية والجيش يستخدموا المية والغاز في التفريق، بس ده إا متضربش عليهم رصاص حي. ومعنى الكلام أن فيه 100 طريقة تعرف تتعامل بيها مع التظاهرات والمواجهات والاشتباكات. 

 أنا لا أستحل دم أحد، ولكني على استعداد أن أكون من بين الشباب إللي هتخسرهم مصر في الحرب على الإرهاب المتمثل في جماعة عندها القدرة على الاحتلال والتحصن وعزل أحياء بأكملها عن مصر ولديها سلاح شفته بعيني ولديها شباب مستعدون للتحول إلى مسلحين تسليح عالي في دقائق. ولديها نساء شفتهم بعيني وهم في ميدان الجيزة بيحرضوا الناس عشان ينزلوا يقفوا مع الإخوان وبيقولوهلهم انزلوا مع أخواتكم عشان الإخوان بيضربوا بالنار في وقت كان فيه ميدان النهضة هادي جدًا ومفيهوش غير صوت زفلط حجازي بينعر في المايك. 

لا لاستحلال الدماء وكل الدم المصري حرام في مقابلها لا للإرهاب والدم الحرام عمره مهيكون دم المعتدي لأن ربنا سبحانه وتعالى قال في كتابه الحكيم "فمن اعتدى عليكم فاعتدوا عليه بمثل ما اعتدى عليكم واتقوا الله واعلموا أن اله مع المتقين" صدق الله العظيم.

هي دي الإنسانية، بس مش مخلوطة بعبط ولا مغيبة المنطقة.

بالفديو الأخوان يقتلون مؤيديهم ليلصقوها بقوت الأمن - شارع النصر (مثير للجدل جدًا)

الله يرحمهم على سبيل الاحتياط

طيب أيش عرفكمم أن في دماء هتسيل الليلة إن شاء الله.

عمومًا طالماأنتم عارفين يبأى الله يرحمهم من باب الاحتياط عشان لو حد مات وأنا نايم.