قاللك العيب على وزارة التموين إللي مبتوفرش لنا السولار لتشغيل المحطات، طيب بالنسبة لشركة الكهرباء اللي اتخصخصت وبأى نصها ملكية خاصة وإللي ولا شركة فيها بتنتج 100% من المطلوب منها بموجب التعاقد مع وزارة الكهرباء، هل دي معندهاش أي خطأ تتحاسب عليه ولا مينفعش إننا نحاسبها على التقصير في إنتاج الكهرباء إللي هي قبضت فلوسها من خزانة الدولة بالفعل.
حالة واحدة بس تخلينا نعفي شركات الكهرباء (شركات التوزيع زي وسط الدلتا وشرق القاهرة وإللي زيها) من المسئولية عن قطع التيار وبالتالي نعفي الحكومة إللى سايباها تقصر وتنتج ما لا يزيد عن 60% من الكهرباء إللي هي بتقبض تمنها، الحالة دي هي أنها واخدة تعليمات تضلمها على دماغ إللي خلفونا.
في مازوت مفيش مازوت في سولار مفيش سولار في زفت مفيش زفت، في غاز مفيش غاز ده مش مسئوليتنا. الحكومة متعاقدة مع الشركات دي (إللي نصها خاص مملوك لأفراد بيكسبوا منها ملايين) إنها تورد كهرباء للناس في البيوت والمصانع والمستشفيات، يبأى مينفعش بأى تيجي الشركات تقولي غن مفيش وقود مفيش طاقة لإنتاج الكهرباء. ببساطة شديدة مينفعش أوقف تاكسي وينزلني قبل المكان إللي أنا رايحه ب10 كيلو ويقولي أصل البنزين خلص. هو مفروض يوصلني وياخد فلوس ماليش دعوة إ شا الله ينزل يزق العربية لحدمأوصل أو يوقفلي تاكسي ويحاسبه أو يوقف لي تاكسي ومحاسبوش هو.
ليست هناك تعليقات:
إرسال تعليق