أنا مين عشان أنتقد عبد الناصر؟
أنا ابن الكلب واحد من الشعب شاف وقرا تاريخ زعيم الأمة إللي كان بيحارب لوحده وحواليه شوية ضلالية، بأحبه وأكنه كل احترام وتقدير وكفايا إنه مؤسس دولة اسمها مصر. بس برضه سابها لشوية كلاب وقفوا نموها بعد مكانت بدأت مشوار طفرة قتصادية مع الهند وماليزيا وإندونيسيا.
أنا مين عشان أنتقد السادات؟
أنا واحد من الشعب ابن الكلب إللي حبو السادات وشالوا ليه جميلة في رقبتهم ولسه شايلنها في رقبتهم لأنه هو إللي حرر لأرض ورجع سيناء. بس ميمنعش أنه حولنا لدولة استهلاكية مديونة وطالع عين أمها وسياساته كانت منحازة للعسكر والأغنياء يدل عليها إلغاء الدعم والانفتاح الاستهلاكي والرقابة الصارمة على الإعلام والصحافة عشان يفلتر أي معلومة ممكن تصحي الناس وتخليهم يطالبوا بحقوقهم وهو برضه إللي نزل الجيش للمرة الأولى عشان يقتل المواطن المصري. بس برضه بأحبه وأحترمه أكثر شوية من عبد الناصر.
أنا مين عشان أنتقد مبارك؟
أنا واحد من ابن الكلب الشعب، عمري محبيته ولا احترمته ولا في يوم شفتله حاجة حلوة، بس ده ميمنعش إنه كان من أبطال أكتوبر وقاد سلاح الطيران لأول ضرية جويةن أي نعم هو كان عالأرض ساعتها بس مش مهم هو برضه إللي عمل المترو والدائري والكباري وهو برضه إللي كان بيتجنب الاقتراض من الخارج، بس ده ميمنعش إنه عزلنا عن العالم كله وباع ثلاث أرباع البلد وسرق الربع إللي باقي وعيش الناس في رعب لدرجة إن في ناس في عهده كانت بتخاف من الجبنة الرومي.
أنا مين عشا أنتقد مرسي؟
مش هجاوب عالسؤال ده لأن سمعته سبقاه وريحته بتسبقه لكل حتة. هسيبكوا أنتم تجاوبوا، بس المقصود من كل الكلام ده إني أوريكم "حكم الفرد" بيعمل إيه وبيودي الناس لفين.
أنا ابن الكلب واحد من الشعب شاف وقرا تاريخ زعيم الأمة إللي كان بيحارب لوحده وحواليه شوية ضلالية، بأحبه وأكنه كل احترام وتقدير وكفايا إنه مؤسس دولة اسمها مصر. بس برضه سابها لشوية كلاب وقفوا نموها بعد مكانت بدأت مشوار طفرة قتصادية مع الهند وماليزيا وإندونيسيا.
أنا مين عشان أنتقد السادات؟
أنا واحد من الشعب ابن الكلب إللي حبو السادات وشالوا ليه جميلة في رقبتهم ولسه شايلنها في رقبتهم لأنه هو إللي حرر لأرض ورجع سيناء. بس ميمنعش أنه حولنا لدولة استهلاكية مديونة وطالع عين أمها وسياساته كانت منحازة للعسكر والأغنياء يدل عليها إلغاء الدعم والانفتاح الاستهلاكي والرقابة الصارمة على الإعلام والصحافة عشان يفلتر أي معلومة ممكن تصحي الناس وتخليهم يطالبوا بحقوقهم وهو برضه إللي نزل الجيش للمرة الأولى عشان يقتل المواطن المصري. بس برضه بأحبه وأحترمه أكثر شوية من عبد الناصر.
أنا مين عشان أنتقد مبارك؟
أنا واحد من ابن الكلب الشعب، عمري محبيته ولا احترمته ولا في يوم شفتله حاجة حلوة، بس ده ميمنعش إنه كان من أبطال أكتوبر وقاد سلاح الطيران لأول ضرية جويةن أي نعم هو كان عالأرض ساعتها بس مش مهم هو برضه إللي عمل المترو والدائري والكباري وهو برضه إللي كان بيتجنب الاقتراض من الخارج، بس ده ميمنعش إنه عزلنا عن العالم كله وباع ثلاث أرباع البلد وسرق الربع إللي باقي وعيش الناس في رعب لدرجة إن في ناس في عهده كانت بتخاف من الجبنة الرومي.
أنا مين عشا أنتقد مرسي؟
مش هجاوب عالسؤال ده لأن سمعته سبقاه وريحته بتسبقه لكل حتة. هسيبكوا أنتم تجاوبوا، بس المقصود من كل الكلام ده إني أوريكم "حكم الفرد" بيعمل إيه وبيودي الناس لفين.
